Ўзининг нафақат ижоди, балки, самимийлиги, ёқимли табассуми ва инсонийлиги билан халқимиз қалбидан чуқур жой эгаллаб, санъатимизда юксак натижаларни қўлга киритиб, ҳар бир мухлиснинг муҳаббатига сазовор бўлган эстрадамизнинг порлоқ юлдузи, мафтункор Шаҳзода байрам арафасида тайёрлаб қўйган бир қатор туҳфаларини кетма-кет тақдим этиб келмоқда. 

Эстрадамизнинг порлоқ юлдузи, латофатли Лола бугун узоқ кутилган видеоклипни сайтимиз орқали тақдим этишга аҳд қилди. Аллақачон халқимизнинг севимли таронасига айланиб улгурган “Севгимсан” композициясига ишланган видеоклипидир.

Истеъдодли ижодкор, халқимизнинг севимли хонандаларидан бири Ҳусан қиш фаслини  қизғин ижод билан бошлаб олди. У бугун “Ўзбегим Таронаси” радиосининг премьера лойиҳаси орқали навбатдаги қўшиғини тақдим этди. Аҳад Қаюм сўзи билан яратилган “Учратмадим” номли мазкур композициянинг мусиқасини хонанданинг ўзи басталаган. Аранжировкаси эса Фарруҳ Умаров томонидан ишланган. 

Иқтидорли режиссёр ва актёр Азамат Аҳроров ёш бўлишига қарамай “Гуноҳ”, “Юрагим сеники” фильмларини суратга олди. Унинг “Қайсаргинам!...” номли навбатдаги фильми, ҳам ғоявий, жанр жихатдан юқоридаги фильмларидан тубдан фарқ қилади. Фильмда комедия ва мелодрамма жанрининг уйғунлигига гувох бўласиз. Бош ролларда Муҳаммад Исо Абдулхайиров, Муқаддас Ҳолиқова, Азамат Аҳроров, Суғдиёна Азимова,  Йигитали Мамажонов, Талъат Йўлдошев ва бошқалар иштирок этган. Картинанинг сценарий муаллифи Аҳрор Нурмуҳаммад.