Халқимизнинг хушовоз хонандаси Шоҳжахон Жўраев жорий йилнинг сўнгида кетма-кет янги таронa ва видеоклиплар устида ишлаб, халқимизга ҳавола қилмоқда. Маълумотларга кўра, хонанда яна бир клипни суратга олиш ишларини якунлади. 

“Тилло узук” деб номланган композиция учун яратилаётган видео асарнинг режиссёри Шуҳрат Мавлонов. Унда ёш ва иқтидорли актриса Муқаддас Саъдуллаева бош роллардан бирини ижро этди.

Мусиқий асарнинг муаллифларига тўхталадиган бўлсак, сўзи Аҳад Қаюмнинг қаламига мансуб. Мусиқасини Шоҳжахон Жўраевнинг ўзи басталаган. Шунингдек, Темур Раҳмонов томонидан аранжировкаси амалга оширилган. Мазкур клипни суратга олиш жараёнидан тақдим этилган фотосуратлар баҳраманд бўлинг. Тез кунда видеоклип намойишини кутиб қолинг.